ඛුද්දක නිකාය | විමානවත්ථු
ගුත්තිල විමානය
………………”පින්වත් දෙව්දුව, ඔබ ඔය සුන්දර රූපෙන් බැබලෙමින් ඉන්නෙ හැම දිසාවක්ම බබුළුවන ඕසධී තාරුකාවක් වගේ.ඇත්තෙන්ම ඔබට මෙවැනි ලස්සනක් ලැබුනේ කොහොමද? මොන වගේ පිනකින්ද ඔබට මේවා ලැබුනේ? සිතට ප්‍රිය උපදවන මේ සැප සම්පත් ලැබුනේ මොන වගේ පිනකින්ද? මහානුභාව ඇති පින්වත් දෙව්දුව, මිනිස් ලෝකෙ ඉන්න කාලෙදි මොන වගේ පිනක්ද ඔබ කළේ? ආනුභාව සම්පන්නව ඔය බැබලි බැබලී ඉන්න පින මොකක්ද? ඔබේ සිරුරෙන් විහිදෙන එළියෙන් හැම දිසාවම බබලනවා.”
මොග්ගල්ලාන මහරහතන් වහන්සේ තමයි මේ ප්‍රශ්න ඇහුවේ. ඒ ගැන ඒ දෙව්දුව ගොඩාක් සතුටු වුනා. මොන වගේ පින්කම්වලින්ද මේ සැප ලැබුනේ කියන ප්‍රශ්නයට ඇය මෙහෙමයි පිළිතුරු දුන්නේ.
“උතුම් වස්ත්‍ර දන් දෙන ස්ත්‍රියක් ඉන්නවා. ඕ තමයි ස්ත්‍රී පුරුෂයන් අතරින් උතුම් වෙන්නෙ. ඔය විදිහට ප්‍රිය දේවල් දන් දෙන කෙනා දෙව්ලොව උපදිනවා. සිත සතුටු කරන දිව්‍ය සැප ලබනවා. ඒ මගේ මේ දිව්‍ය විමානය දිහා බලන්න. මම අප්සරාවක්. කැමති කැමති රූපයන් මට මවාගන්න පුළුවන්. පිනේ විපාකය බලන්න. මං දාහක් අප්සරාවන්ට උතුම් කෙනෙක්. ඒ පිනෙන් තමයි මෙවැනි ලස්සනක් මට ලැබුනේ. ඒ පිනෙන්මයි මේ සම්පත් ලැබුනේ. සිතට ප්‍රීතිය උපදවන මේ සැප සම්පත් ඔක්කොම ලැබුනේ ඒ නිසාමයි. මහානුභාව සම්පන්න වූ ස්වාමීන් වහන්ස, මිනිස් ලෝකෙදි ඔය පින තමයි මං කර ගත්තෙ. ආනුභාව සම්පන්නව බැබලි බැබලී ඉන්න පින ඕක තමයි. මගේ සිරුරෙන් විහිදෙන එළියෙන් හැම දිසාවම බබලනවා.”
(උතුම් මහා මොග්ගල්ලාන මහ රහතන් වහන්සේ එතන හිටිය අනෙක් බොහෝ දිව්‍යාංගනාවන්ගෙනුත් තමන් මෙතරම්ම බැබලි බැබලි සුන්දරව මහානුභාව ව ඉන්න කරපු පින ගැන විමසුවා. එතකොට ඒ අය මේ විදිහට තම තමන් කළ පින් ගැන කීවා)
දෙව්දුවක් : “උතුම් මල් දන් දෙන ස්ත්‍රියක් ඉන්නවා. ඕ තමයි ස්ත්‍රී පුරුෂයන් අතරින් උතුම් වෙන්නෙ. ඔය විදිහට ප්‍රිය දේවල් දන් දෙන කෙනා දෙව්ලොව උපදිනවා. සිත සතුටු කරන දිව්‍ය සැප ලබනවා. ඒ මගේ දිව්‍ය විමානය දිහා බලන්න. මම අප්සරාවක්. කැමති කැමති රූපයන් මට මවා ගන්න පුළුවන්. පිනේ විපාකය බලන්න. මං දාහක් අප්සරාවන්ට උතුම් කෙනෙක්. ඒ නිසයි මට මෙවැනි ශරීර වර්ණයක් ලැබුනේ…..”
දෙව්දුවක් : “උතුම් සුවඳ දන් දෙන ස්ත්‍රියක් ඉන්නවා……
දෙව්දුවක් : “උතුම් ඵලවැල දන් දෙන ස්ත්‍රියක් ඉන්නවා……
දෙව්දුවක් : “උතුම් රස දන් දෙන ස්ත්‍රියක් ඉන්නවා…..
දෙව්දුවක් : “කාශ්‍යප බුදුරජාණන් වහන්සේගේ ස්තූපයට පස් ආකාර සුවඳ වර්ග පූජා කළා. ඒ මගේ දිව්‍ය විමානය බලනු මැනැව…..
දෙව්දුවක් : මාවතේ වඩින භික්ෂූන්ද භික්ෂුණීන්ද මට දැකගන්න ලැබුනා. මං උන්වහන්සේලාගෙන් ධර්මය අසාගත්තා….
දෙව්දුවක් : එක දවසක් උපෝසථ සිල් ආරක්ෂා කළා….
දෙව්දුවක් : මං හිටියේ වතුරෙ. ස්වාමීන් වහන්සේ නමකට පහන් සිතින් පැන් ටිකක් පූජා කරගත්තා. ඒ මගේ විමානය බලනු මැනව…..
දෙව්දුවක් : මගේ නැන්දාත් මාමණ්ඩියත් චණ්ඩයි. ක්‍රෝධ කරනවා. ඵරුසයි. නමුත් මං දොස් කිව්වෙ නෑ. අප්‍රමාදීව සිල් ආරක්ෂා කළා. උන්දැලාට හොඳින් උපස්ථාන කළා……
දෙව්දුවක් : මං අනුන්ට බැලමෙහෙවරකම් කළා. කීයක් හරි හොයා ගන්ට කම්මැලි නැතිව මහන්සි වුනා. මං දාසියක්. මා ක්‍රෝධ කළේ නෑ. මාන්නයක් ඇති කර ගත්තෙ නෑ. මට ලැබුන දෙයින් බෙදා හදාගෙන සතුටු වුනා. ස්වාමීන් වහන්සේ නමක් පිඬුසිඟා වැඩියා. මං උන්වහන්සේට කිරිබතක් පූජා කළා. ඔය විදිහටයි මං පින්කම් කළේ. දැන් සුගතියේ ඉපදිලා සතුටු වෙනවා. ….
දෙව්දුවක් : මං උක්සකුරු ටිකක් පූජා කරගත්තා ….
දෙව්දුවක් : මං උක් දණ්ඩක් පූජා කරගත්තා ….
දෙව්දුවක් : මං තියඹරා ටිකක් පූජා කරගත්තා ….
දෙව්දුවක් : මං සීනි කැකිරි පූජා කරගත්තා ….
දෙව්දුවක් : මං මහකැකිරි පූජා කරගත්තා ….
දෙව්දුවක් : මං වැල්ඵල පූජා කරගත්තා ….
දෙව්දුවක් : මං බොරළු දමුනු ටිකක් පූජා කරගත්තා ….
දෙව්දුවක් : මං ගිනිකබලක් පූජා කරගත්තා ….
දෙව්දුවක් : මං පලාකොළ මිටක් පූජා කරගත්තා ….
දෙව්දුවක් : මං මල් මිටක් පූජා කරගත්තා ….
දෙව්දුවක් : මං මුලපලා මිටක් පූජා කරගත්තා ….
දෙව්දුවක් : මං කොහොඹ කොළ මිටක් පූජා කරගත්තා ….
දෙව්දුවක් : මං ඇඹුල් කැඳ ටිකක් පූජා කරගත්තා ….
දෙව්දුවක් : මං තලමුරු වටක් පූජා කරගත්තා ….
දෙව්දුවක් : මං ඉණපටියක් පූජා කරගත්තා ….
දෙව්දුවක් : මං අංසකඩයක් පූජා කරගත්තා ….
දෙව්දුවක් : මං ආයෝගපට්ටයක් පූජා කරගත්තා ….
දෙව්දුවක් : මං විජිනිපතක් පූජා කරගත්තා ….
දෙව්දුවක් : මං තල් වටක් පූජා කරගත්තා ….
දෙව්දුවක් : මං මොණරපිල් වටාපතක් පූජා කරගත්තා ….
දෙව්දුවක් : මං කුඩයක් පූජා කරගත්තා ….
දෙව්දුවක් : මං සෙරෙප්පු ජෝඩුවක් පූජා කරගත්තා ….
දෙව්දුවක් : මං කැවුමක් පූජා කරගත්තා ….
දෙව්දුවක් : මං අග්ගලාවක් පූජා කරගත්තා ….
දෙව්දුවක් : ස්වාමීන් වහන්සේ නමක් පිඬුසිඟා වැඩියා. මං උන්වහන්සේට උක්සකුරුවලින් කළ කැවිලි පූජා කළා. ඔය විදිහටයි මං පින්කම් කළේ. දැන් සුගතියේ ඉපදිලා සතුටු වෙනවා…..