"රේවතීට අපාය පාලකයන් දෙදෙනෙක් ඇගේ අකුසල කර්මවල විපාක පහදා දී සැමියාගේ කුසල් විපාක ඇයට පෙන්වා දෙනවා"
රේවතී නම් ප්රේතිය
ඛුද්දක නිකාය | පේතවත්ථු | 4.4. රේවතී පේත වත්ථු
"අකමැත්තෙන් දන් දීමේ ප්රතිඵලය ගැන භික්ෂුවක් ප්රේතයෙකුට පහදා දෙනවා."
උක් දඬු ප්රේතයා
ඛුද්දක නිකාය | පේතවත්ථු | 4.5. උච්ඡු පේත වත්ථු
ස්වාමීනි, මට මහා විශාල උක්වනයක් පහළ වෙලා තියෙනවා. මේක නම් ලොකු පුණ්ය ඵලයක්. ඒ වුනාට දැන් ඒක මගේ පාවිච්චියට ලැබෙන්නෙ නෑ. මේ මොන වගේ කර්මයක විපාකයක්ද කියල පැවසුව මැනැව.
උක් ගසක් කන්ට ඕන කියල මං යම්කිසි උත්සාහයක් ගන්නවා තමයි. මං එහෙම අනුභව කරන්ට ඕන කියල උත්සාහ කරද්දි ඇතිවෙන්නෙ මහන්සියක්මයි. උක් කොළවලට මාව කැපෙනවා. එතකොට මගේ ශරීර ශක්තිය නැතුව යනවා. දුකට පත්වෙනවා. මං වැළපෙනවා. මේ විපාකය මට ලැබුනේ මොන කර්මයක් නිසාද? මං හොඳටම වෙහෙසට පත්වෙලා බිම ඇඳගෙන වැටෙනවා. තද අව්වෙන් රත් වුණු පොළොවේ මාළුවෙක් වගේ දඟලනවා. මං වැළපෙන කොට ඇස්වලින් කඳුළු ගලාගෙන යනවා.
ස්වාමීනි, මේ විපාකය මට ලැබුනේ මොන කර්මයක් නිසාද කියල පැවසුව මැනැව. මං පුදුමාකාර බඩගින්නකින් ඉන්නෙ. මට කලන්තෙයි. පිපාසයි. අධික පිපාසයෙන් දුක් විඳින මං මිහිරි සැපක් නම් විඳල නෑ. ස්වාමීනි, මං ඔය කාරණය ගැනයි අහන්නෙ. මට මේ උක් රසය පාවිච්චි කරන්ට ලබාගන්නෙ කොහොමද?
ඔය ඇත්තා පෙර ජාතියකදී මිනිස් ලෝකෙ ඉන්න කාලේ තමන් ගෙ අතින් පව් කෙරිල තියෙනවා. මං දැන් ඔබට ඒ විස්තරය කියන්නම්. ඔබ ඒක අහලා මෙන්න විදිහට දැනගන්න ඕන.
ඔය ඇත්තා උක් දණ්ඩක් හප හපා ගියා. එතකොට ඔබේ පිටිපස්සෙන් තව පුරුෂයෙක් ඔබත් එක්කම ආවා. ඒ තැනැත්තා උක්රසය ලබාගන්ට බොහෝම කැමති වෙලා ඔබට කතා කළා. එතකොට ඔබ ඔහුට කිසිම දෙයක් නොකියා හිටියා. ඔබ මොකවත් නොකියා ඉන්න කොට ඔහු ඔබෙන් උක් දණ්ඩක් ඉල්ලා හිටියා. ‘ආර්ය පුත්රය, උක් දණ්ඩක් දෙනු මැනැව’ කියල. ඔබ එතකොට පිටිපස්සෙන්මයි ඔහුට උක් දණ්ඩ දුන්නේ. අන්න ඒ කර්මයේ විපාකය තමයි මේ.
දැන් ඉතින් ප්රේතය, ඔබත් පිටුපසින් හැරිල උක් දණ්ඩ ගන්න ඕන. එහෙම අරගෙන ඇතිතාක් කන එකයි තියෙන්නෙ. එතකොට ඒකෙන් ඔබට සතුටක් ඇති වේවි. තුටුපහටු වෙලා ඔදවැඩුණු සිතිස් ප්රමුදිතව ඉන්ට පුළුවන් වේවි.
ඒ ප්රේතයා, ගිහින් පිටිපස්ස හැරිල උක් දඬු ගත්තා. අරගෙන ඇති පදමට කෑවා. ඒකෙන් ඔහුට සතුටක් ඇති වුනා. තුටුපහටු වුනා. ඔදවැඩුණු සිතින් ප්රමුදිතව ඉන්ට පුළුවන් වුනා. .
"පන්චකාම සැපයට අධික ඇලී ගිජුව සිටීමේ ප්රථිඵල මොනවාද?"
කුමාර ප්රේතයා
ඛුද්දක නිකාය | පේතවත්ථු | 4.6. කුමාර පේත වත්ථු
"නපුරු භික්ෂූන් ඇසුරු කළ විට කුමක් සිදුවේද?"
අසූචි කන ප්රේතයා
ඛුද්දක නිකාය | පේතවත්ථු | 4.8. ගූථඛාදක පේත වත්ථු
"පසේ බුදුරජාණන් වහන්සේ නමකට දරුණු වුන කුමාරයෙකුට මොකද වුණේ?"
රාජ පුත්රයා
ඛුද්දක නිකාය | පේතවත්ථු | 4.7. රාජපුත්ත පේත වත්ථු
පෙර කරපු කර්මයෙන්මයි මේ සැප විපාක ලැබෙන්නෙ. නමුත් මේ සිත්කලු රූප, ශබ්ද, ගන්ධ, රස, ස්පර්ශවලට ඔහුගේ සිත යට වෙනවා. ස්වල්ප නොවන නැටුම්, ගැයුම්, කම්සුව, කෙළිසෙල්ලම්වලින් සතුටු වෙවී ඉඳල උයන්වල විනෝද වෙවී ඉඳල රජගහ නුවරට ඇතුළු වෙනවා.
එතකොට ඔහු සුනෙත්ත නම් වූ පසේබුදු සෘෂිවරයාණන්ව දැක්කා. උන්වහන්සේ දමනය වෙලා ඉන්නෙ. ඒ සිත සමාහිතයි. අල්පේච්ඡයි. වරදට ලැජ්ජයි. පාත්රයට ලැබුණු දෙයකින් සතුටු වෙනවා. ඉතින් ඔහු ඇතා පිටින් බැස්සා. ‘ස්වාමීනි, පිණ්ඩපාතේ ලැබුනාද?’ කියල ඇහුවා. උන්වහන්සේගේ පාත්ර අතට ගත් ඒ රජ කුමාරයා, තද බිම් ප්රදේශයක පාත්රය පොළොවෙ ගැහුවා. හිනා වෙවී ඉවත් වෙලා ගියා. ‘ඒයි භික්ෂුව, මං කිතව රජ්ජුරුවන්ගෙ පුතා. තමුසෙ මට මොනව කරන්ටද?’
ඒ දරුණු පාප කර්මයේ විපාකත් ඒ විදිහටම කටුකයි. ඊට පස්සෙ ඒ රාජ පුත්රයා නිරයේ ගිහිල්ලා කොයි විදිහටද දුක් වේදනා වින්ඳේ?
පව්කම් කරපු ඔහු නිරයේ ඉපදිලා දුක් විඳපු අවුරුදු ගණන මෙහෙමයි. අසූහාරදාහක් අවුරුදු ගණන හයෙන් වැඩි කරල ගත්තු අවුරුදු නහුත ගණනක් ඔහු බොහෝම දුක් වින්ඳා. ඒ අඥාන පුද්ගලයාව උඩු අතට නිරයේ පැහුනා.
යටිකුරු අතටත් නිරයේ පැහුනා. වම් ඇලයෙන් ඉඳගෙනත් නිරයේ පැහුනා. දකුණු ඇලයෙන් ඉඳගෙනත් නිරයේ පැහුනා. උඩු අතට පාද ඇතිව ඉඳගෙනත් නිරයේ පැහුනා. බොහෝ කාලයක් නිරයේ පැහුනා. අවුරුදු දහස් ගණන්, ගොඩාක් අවුරුදු ගණන්, අවුරුදු නහුත ගණන් ඒ පව් කරපු අඥානයා ඒ නිරයේ අතිශයින්ම බලවත් දුකට පත්වුනා.
කේන්ති යන උදවිය කෙරෙහි කිසි දවසක නොකිපෙන, යහපත් ගතිපැවතුම් තියෙන ඒ මුනිවරයාණන් හට කරදර කරලා පව්කම් කරලා තමයි ඔය ආකාරයේ කටුක දුක් දොම්නස් විඳින්නෙ. ඒ පුද්ගලයා බොහෝ අවුරුදු ගණනක් බොහෝ දුක් විඳ විඳ ඉඳල එයින් චුත වුනා. ඊට පස්සෙ පිපාසයෙන් බඩගින්නෙන් වේදනා විඳින පෙරේතයෙක් වුනා.
සැප සම්පත්වලින් මත්වෙලා හිටපු නිසයි මේ ආදීනව හටගත්තෙ. මේක තේරුම් ගත්ත මනුස්සයා සැප සම්පත්වලින් හිතට ගන්න එක දුරු කරන්න ඕන. නිහතමානී බව ඇති කරගන්න ඕන. යම් කෙනෙක් බුදුවරයන් වහන්සේලා කෙරෙහි ගෞරවයෙන් යුක්ත නම් ඒ කෙනාට මේ ජීවිතයේදීම ප්රශංසා ලැබෙනවා. ඒ ප්රඥාවන්ත කෙනා කය බිඳී මරණින් මතු දෙව්ලොව උපදිනවා.